Skip to main content

KESI YA WABUNGE 8 CUF INATATANISHA.

KESI YA WABUNGE 8 CUF BADO NI NGANGALI.

Waraka wa BASHIR YAKUB.
+255784482959

Ili wafanikiwe walitakiwa kutumia nafasi kuu tatu. Mosi kufungua kesi na kuzuia kikao cha nidhamu cha Cuf . Pili kufungua kesi kuizuia tume ya uchaguzi kuidhinisha kufutwa na uteuzi wabunge wapya. Tatu  kufungua kesi kulizuia bunge kuwaapisha wabunge wapya wateule.

1.KUZUIA  KIKAO CHA NIDHAM CHA CUF .

Kesi nzuri ilitakiwa kufunguliwa mara tu baada ya kupata wito wa kikao cha nidhamu. Hapa wangeweza kufungua kesi kwa hati ya dharula na kufanya maombi madogo ya zuio la muda(temporally injunction).

Wangezuia kikao cha nidhamu cha Cuf  na katu  kisingefanyika.

2. KUIZUIA TUME YA UCHAGUZI.

Lakini kama wangeshindwa kuzuia kikao cha Cuf pengine kwa kuchelewa ama vinginevyo  bado walikuwa na nafasi ya kufungua kesi na kuomba zuio dhidi ya Tume ya uchaguzi  kuidhinisha kufutwa kwao kwa mujibu wa Ibara 78(4) ya katiba  inayosomwa na kifungu cha 86(8) cha Sheria ya Taifa ya Uchaguzi.

Wangeomba zuio la kuzuia kuidhinisha kufutwa kwao na kuzuia uteuzi wa wabunge wapya.

3. NAFASI WALIYOBAKI NAYO.

Wabunge hawa 8 wamebaki na nafasi moja. Ni kulizuia bunge kuwaapisha wabunge wapya katika bunge lijalo September, 5 , 2017.

Hata hivyo hatua hii ni ngumu na pengine itakayoshindwa. Mnakumbuka November , 27, 2014 wakati Jaji Razia Sheikh, Richard Mziray na  Lugando Mwandambo  walipotoa zuio kulizuia bunge kujadili ripoti ya Escrow.

Bunge lilikataa kwa kutumia ibara ya 100 ya Katiba inayotoa mamlaka kwa shughuli za bunge kutoingiliwa na chombo kingine  chochote. Zuio hilo halikusaidia kwani  ripoti hiyo iliwasilishwa kama ilivyokuwa imepangwa.

Hii si Tanzania tu, bali hata juzi mtakuwa mlimsikia Spika Rebecca Kadaaga wa Uganda akiikataa amri ya mahakama iliyolizuia bunge kuwahoji maafisa 42 kwenye kashfa ya bilioni 6 wanazodaiwa kupewa zawadi na Museveni.

Kwahiyo hatua hii ni ngumu na pengine isiyowezekana. Nafasi mbili  walizopoteza kwa kushindwa kuzuia vikao vya Cuf na tume hakika zitakuwa zimewagharimu.

4. NINI KITAFUATA.

Hatua zote za kufutwa na kuteua zimeshapitiwa isipokuwa imebaki moja tu. Imebaki wabunge wapya kuapishwa hapo September 5 bunge litakapofunguliwa.

Kuna kesi Kisutu lakini tumeona ugumu wa kuzuia hatua hii ya kuapishwa. Kwahiyo kwa haraka tunaweza kusema kuwa wataapishwa na watakuwa wabunge.

5. JE KESI WALIYOFUNGUA ITAKUFA.

Hapana itaendelea. Wanachoomba  pamoja na mambo mengine ni mahakama kubatilisha  mchakato wa kufutwa kwao na uteuzi wa wabunge wapya.

Wanaweza kufanikiwa au wasifanikiwe. Changamoto kubwa wanayokabiliana nayo hapa ni mda. Kesi yao inafunguliwa Kisutu na hapo itakaa muda.

Kwa vyovyote itavyokuwa yeyote atakayeshindwa  hakuna shaka atakata rufaa mahakama kuu. Na hapo itakaa muda.

Kwa vyovyote itakavyokuwa yeyote atakayeshindwa  hakuna Shaka atakata rufaa kwenda mahakama ya rufaa. Na hapo itakaa muda.

Kwa hesabu ya haraka hapo hatuongelei chini ya miaka miwili ama mitatu kukamilisha mchakato huo wote.  Na bado hakuna guarantee kwamba lazima washinde wao. Yeyote anaweza kushinda.Wakati huohuo  2020 imebakiza takribani miaka miwiii na nusu hivi  ili bunge livunjwe.
Unaweza kuona ni kwa kiasi gani wamepoteza.

6. KWANINI WAMEPOTEZA.

Tatizo ni kumdharau LIPUMBA. Kwa mtu makini  huwezi hata kidogo kumdharau mtu (1) aliyerudia uenyekiti wake baada ya kujiuzulu na akafanikiwa (2) akaichukua ofisi kuu buguruni na kufanikiwa(3) akalifuta baraza la wadhamini na kusajili lake na akafanikiwa (4)na sasa amefuta wabunge.

Mtatiro anasema LIPUMBA ni wa kupuuza. Kweli mtu wa aina hii ni wa kupuuza ??!.  Kama utampuuza mtu wa aina hii basi wewe utashughulika na mtu wa aina gani. 

Mtatiro na wenzake wanasema LIPUMBA amechangayikiwa . Kweli kwa kipimo cha akili haya matukio ya LIPUMBA ni ya  uchizi!!!. Kama mtu anaweza kuchanganyikiwa hivi basi  ipo haja ya kusali na kuomba uchizi wa aina hii.

Maneno ya kumpuuza waliyohubiriwa na Mtatiro yaliwafanya wabunge hawa wampuuze kweli .  Na sasa mnakimbizana na vikao vya dharula huko Zanzibar  kwa mtu mliyekubaliana kumpuuza , extremely and hopelessly  too late.

Nadhani badala kuwahubiria kumpuuza LIPUMBA ilitakiwa kuwaambia wafuasi wenu kuwa,  "Kuweni makini na LIPUMBA , na kila hatua anayoichukua imebebeni kwa uzito  na haraka ijibuni kwa hatua nyingine ya kisheria" . Pengine yasingewakuta hawa wabunge.

Yote kwa yote Poleni.

Labels:

Comments

Post a Comment

Popular posts from this blog

DAWA YA ASILI NA USAFI KWA WANAWAKE NI MUHIMU

Dawa ya Uchafu Ukeni Kwa kawaida mwanamke hutokwa na majimaji mepesi (vaginal fluids) yenye rangi nyeupe au ya njano. Inapotokea anatokwa na majimaji yenye ute mzito wenye rangi nyeupe au kahawia na yanatoa harufu kali na muwasho, hiyo huwa ni ishara ya ugonjwa uitwao wa kutokwa uchafu ukeni ujulikanao kwa kitaalamu kama ‘Vaginosis’. Mwanamke mwenye tatizo hili hujisikia vibaya na anaweza akaacha kushiriki tendo la ndoa ama kwa kuhofia maumivu au kwa kuona aibu kwani mwanaume ni vigumu kuvumilia harufu hiyo au hata kuuona tu huo ute ute kwani humjengea hisia kwamba mwenza wake atakuwa na magonjwa ya zinaa au si mwaminifu kwa ujumla. Kinachosababisha kutokwa na uchafu ukeni: • Kuwa na wapenzi wengi • Baadhi ya dawa za uzazi wa mpango • Kusafisha uke kwa kutumia dawa zenye kemikali • Uchafu • Uvutaji sigara • Pombe • Maambukizi ya Bakteria au bakteria wabaya wanapozidi ukeni Dalili: • Kutokwa na uchafu us...
Post a Comment
Read more

FAIDA ZA MAZIWA YA SOYA MWILINI

DONDOO ZA AFYA........!!!! MAAJABU YA SOYA MWILINI. MAAJABU YA SOYA MWILINI. Soya ni zao la jamii ya mikunde lenye aina nyingi za matumizi; ni zao linalofaa kwa chakula cha binadamu na wanyama na pia ni zao la biashara. Zao hilo lina kiasi kingi cha protini yenye ubora wa hali ya juu kuliko kiasi kilichopo katika aina nyingine ya mazao ya mimea.ZK  taasisi inayojishughuliza na uzalishaji wa bidhaa za vyakula lishe na mimea na matunda, vinavyoweza kutiba magonjwa mbalimbali wamezalisha maziwa ya Soya ambayo yana  kiasi cha protini inayozidi hata kiasi cha protini katika nyama, mayai na maziwa. Hii inamaanisha kuwa maziwa ya soya ni chanzo rahisi na cha bei nafuu cha protini hasa kwa watu wenye kipato kidogo ambao hawawezi kumudu gharama za vyanzo vingine vya protini kama nyama, maziwa na samaki. Aidha, maziwa ya soya yanaa mafuta bora yasiyo kuwa na lehemu (cholesterol). Uwingi na ubora wa protini katika maziwa ya soya yanaweza kuondoa utapiamlo hususani kwa watoto na kuwao...
Post a Comment
Read more

FAIDA 30 ZA ALOE VERA MWILINI

FAIDA ZA MMEA WA ALOE VERA (Mshubiri): Mshubiri ni mti wenye Miujiza ya kutibu maradhi sugu kama ugonjwa wa Saratani (Cancer) ugonjwa wa Kisukari Diabetis, Ugonjwa wa cholesterol, ugonjwa wa kuvimba sehemu ya mwili na magonjwa mengine mengi. Tuone faida za mmea wa aloe vera au mshubiri 1. Huondoa uvimbe katika jicho Weka kiasi kidogo cha majimaji ya mu-aloe vera freshi kisha kuamka asubuhi, acha kwa dakika kadhaa kisha jisafishe. Uvimbe lazima ukimbie. Pia unaweza kuloweka pamba katika majimaji ya mualoe vera na kisha jisafishe katika jicho lenye uvimbe. 2. Huzuia na kuondoa michirizi ya tumbo itokanayo na ujauzito Anza kwa kupakaa majimaji ya mualoevera juu ya tumbo lako na ufanye kama masaji hivi taratibu juu ya tumbo mara 2 kwa siku katika kipindi chote cha ujauzito na baada ya kujifungua kwa miezi michache mpaka michirizi ipotee yote. 3. Hutibu bawasiri Ile ile sifa moja iliyonayo ya kutibu uvimbe ambayo inaweza pia kutibu malengelenge na uvimbeuchungu kwenye mwako wa mwili...
Post a Comment
Read more