Skip to main content

FAIDA ZA MBEGU ZA MAPERA KWA AKINA MAMA WOTE

Miujiza ya mbegu za pera kwa kinamama

WAWEZA kuita ni miujiza. Wakati walaji wengi wa mapera wakiwa na kawaida ya kuondoa mbegu, imefahamika kuwa kufanya hivyo ni kosa kubwa kiafya kwa sababu wahusika hujikosesha faida nyingi kiafya.

Uchunguzi  unaohusisha mahojiano na madaktari pamoja na maandiko mbalimbali ya utafiti wa lishe, umebaini kuwa ulaji wa mbegu za mapera, iwe kwa kuzisaga na kunywa kupitia juisi au hata kuzimeza bila kuziponda zina manufaa na zina miujiza mingi katika kuukinga mwili dhidi ya magonjwa.

Baadhi ya virutubisho vilivyomo kwenye pera na pia mbegu za tunda hilo ni pamoja na kiwango cha juu cha vitamin A, vitamin C, vitamin E na madini yakiwamo ya niacin, thiamine, chuma, calcium, potassium, phosphorus na manganese. Pia kuna kiasi kikubwa cha kinga dhidi ya vijisumu.

Faida zake mwilini ni pamoja na kupunguza uwezekano kwa mlaji kupata saratani ya tezi dume; kisukari; saratani ya matiti; maradhi ya shinikizo la damu; tumbo kuvimba kwa sababu ya chakula kutosagika vizuri; kusaidia ngozi kuwa nyororo; kuzuia nywele kupukutika hivyo na pia kuzifanya ziwe laini.

Kwa mujibu wa uchunguzi huo, Nipashe imebaini kuwa mbegu za pera pia husaidia kuimarisha afya ya uzazi kwa walaji wake.

Mbegu za pera huwasaidia walaji kuwa na uwezekano mdogo wa kupata tezi dume, hiyo ikitokana na uwezo wake wa kuzuia ukuaji wa seli za saratani kwa kuwa na kinga iitwayo ‘lycopene’. Inaelezwa vilevile kuwa mbegu za tunda hilo husaidia kuzuia kansa ya matiti.

Miujiza mingine ya mbegu za pera ni kusaidia udhibiti wa lehemu katika mwili wa mlaji, kuzuia nywele kupukutika kwa kuzifanya ziwe laini na imara.

Akizungumza na Nipashe, mtaalamu wa lishe, Dk. Amani Assey, alisema mbegu za pera zina faida nyingi ikiwamo ya kuwasaidia kina mama wenye matatizo ya kutoona siku zao za mwezi.

“Ikiwa mwanamke hajapata siku zake kwa muda mrefu au zinajirudia kwa mwezi, mbegu za mapera ni dawa nzuri kwake,” alisema Dk. Assey.

Akifafanua, Dk. Assey alisema kinamama wenye matatizo kuhusiana na siku zao wanashauriwa kunywa juisi ya mapera kwa miezi mitatu mfululizo ili madini yaliyomo kwenye pera yaende kushtua homoni za mwili. Pia alizungumzia namna mbegu za pera zinavyosaidia kudhibiti kisukari.

“Ngozi iliyopo kwenye mbegu ina uteute ambao ukiingia tumboni unabaki na humsaidia kumkinga na ugonjwa huo (kisukari). Ulaji (usiozingatia taratibu) huwaweka baadhi ya watu katika hatari ya kupata kisukari. Ila kutumia mapera mara kwa mara kutamwepusha (mtu) kupata kisukari, “ alisema Dk. Assey.

Kadhalika, alisema ulaji wa pera humwezesha mtu kupata madini ya shaba ambayo huenda kuimarisha ufanyaji kazi tezi ziitwazo thyroid.
Alisema ndani yake kuna vitamini B3, vitamini B6 ambazo husaidia kuimarisha afya ya akili.

“Unywaji wa juisi ya pera kwa wale wanaosumbuliwa na maumivu ya tumbo au kukaa muda mrefu bila kupata choo ni muhimu kwa sababu kutamsaidia (mhusika) kuondoa uchafu uliopo,” alisema Dk. Assey.

Aidha, mbegu za mapera huwasaidia zaidi pia kinamama pindi wanapokabiliwa na tatizo la kutoona siku zao (hedhi) kwa usahihi.

Daktari Seleman Hassan wa Hospitali ya Wilaya ya Kilolo, mkoani Iringa, aliiambia Nipashe kuwa mbegu za pera husaidia ufanisi wa mifumo mingi mwilini na ndiyo maana wanawake wenye matatizo ya hedhi hupata nafuu kwa kula mbegu za matunda hayo.

Pia alisema mbegu hizo zimejaaliwa kuwa na viondoa sumu mwilini na kumkinga mtu na maradhi ya saratani ya tezi dume, saratani ya matiti na saratani ya midomo.

Kadhalika, alisema watumiaji wa mbegu hizo hunufaika kwa kudhibiti uzito wa miili yao kwa wale wenye uzito mkubwa na pia kuwa na kumbukumbu nzuri.

“Zina vitamin A kwa wingi ambayo inasaidia macho kuona vizuri. Pia walaji wa mbegu za mapera hupata kinga dhidi ya mafua, kikohozi, na kuharisha,” alisema Dk. Hassan.

MAAJABU ZAIDI
Pera pia lina maji na kambakamba ambazo ni muhimu pia kwa afya. Pia husaidia mmeng’enyo wa chakula na kuwa na viinilishe vyenye kuukinga mwili dhidi ya magonjwa mbalimbali yakiwamo ya saratani, kupunguza uwezekano wa mlaji kupata maradhi ya kisukari, kuimarisha afya ya uzazi kwa kusaidia urutubishaji wa mbegu miongoni mwa wapendanao na pia kutibu maumivu ya tumbo, tumbo kuvimba kutokana na chakula kutosagika vizuri, kuendesha na pia kiungulia. Kadhalika, matumizi ya mara kwa mara ya juisi ya pera pamoja na mbegu za tunda hilo huwasaidia walaji kuwa na ngozi nyororo.

Labels:

Comments

Post a Comment

Popular posts from this blog

DAWA YA ASILI NA USAFI KWA WANAWAKE NI MUHIMU

Dawa ya Uchafu Ukeni Kwa kawaida mwanamke hutokwa na majimaji mepesi (vaginal fluids) yenye rangi nyeupe au ya njano. Inapotokea anatokwa na majimaji yenye ute mzito wenye rangi nyeupe au kahawia na yanatoa harufu kali na muwasho, hiyo huwa ni ishara ya ugonjwa uitwao wa kutokwa uchafu ukeni ujulikanao kwa kitaalamu kama ‘Vaginosis’. Mwanamke mwenye tatizo hili hujisikia vibaya na anaweza akaacha kushiriki tendo la ndoa ama kwa kuhofia maumivu au kwa kuona aibu kwani mwanaume ni vigumu kuvumilia harufu hiyo au hata kuuona tu huo ute ute kwani humjengea hisia kwamba mwenza wake atakuwa na magonjwa ya zinaa au si mwaminifu kwa ujumla. Kinachosababisha kutokwa na uchafu ukeni: • Kuwa na wapenzi wengi • Baadhi ya dawa za uzazi wa mpango • Kusafisha uke kwa kutumia dawa zenye kemikali • Uchafu • Uvutaji sigara • Pombe • Maambukizi ya Bakteria au bakteria wabaya wanapozidi ukeni Dalili: • Kutokwa na uchafu us...
Post a Comment
Read more

FAIDA ZA MAZIWA YA SOYA MWILINI

DONDOO ZA AFYA........!!!! MAAJABU YA SOYA MWILINI. MAAJABU YA SOYA MWILINI. Soya ni zao la jamii ya mikunde lenye aina nyingi za matumizi; ni zao linalofaa kwa chakula cha binadamu na wanyama na pia ni zao la biashara. Zao hilo lina kiasi kingi cha protini yenye ubora wa hali ya juu kuliko kiasi kilichopo katika aina nyingine ya mazao ya mimea.ZK  taasisi inayojishughuliza na uzalishaji wa bidhaa za vyakula lishe na mimea na matunda, vinavyoweza kutiba magonjwa mbalimbali wamezalisha maziwa ya Soya ambayo yana  kiasi cha protini inayozidi hata kiasi cha protini katika nyama, mayai na maziwa. Hii inamaanisha kuwa maziwa ya soya ni chanzo rahisi na cha bei nafuu cha protini hasa kwa watu wenye kipato kidogo ambao hawawezi kumudu gharama za vyanzo vingine vya protini kama nyama, maziwa na samaki. Aidha, maziwa ya soya yanaa mafuta bora yasiyo kuwa na lehemu (cholesterol). Uwingi na ubora wa protini katika maziwa ya soya yanaweza kuondoa utapiamlo hususani kwa watoto na kuwao...
Post a Comment
Read more

FAIDA 30 ZA ALOE VERA MWILINI

FAIDA ZA MMEA WA ALOE VERA (Mshubiri): Mshubiri ni mti wenye Miujiza ya kutibu maradhi sugu kama ugonjwa wa Saratani (Cancer) ugonjwa wa Kisukari Diabetis, Ugonjwa wa cholesterol, ugonjwa wa kuvimba sehemu ya mwili na magonjwa mengine mengi. Tuone faida za mmea wa aloe vera au mshubiri 1. Huondoa uvimbe katika jicho Weka kiasi kidogo cha majimaji ya mu-aloe vera freshi kisha kuamka asubuhi, acha kwa dakika kadhaa kisha jisafishe. Uvimbe lazima ukimbie. Pia unaweza kuloweka pamba katika majimaji ya mualoe vera na kisha jisafishe katika jicho lenye uvimbe. 2. Huzuia na kuondoa michirizi ya tumbo itokanayo na ujauzito Anza kwa kupakaa majimaji ya mualoevera juu ya tumbo lako na ufanye kama masaji hivi taratibu juu ya tumbo mara 2 kwa siku katika kipindi chote cha ujauzito na baada ya kujifungua kwa miezi michache mpaka michirizi ipotee yote. 3. Hutibu bawasiri Ile ile sifa moja iliyonayo ya kutibu uvimbe ambayo inaweza pia kutibu malengelenge na uvimbeuchungu kwenye mwako wa mwili...
Post a Comment
Read more